Dil hai ki phir bhee gilaa kartaa rahaa
Birvaa meray aangan ka murjhaa gayaa
Sehara mein ik phool magar khiltaa rahaa
Baatin-o-Zaahir na yaksaan ho sakay
Kasham-kash ka silsilaa chaltaa rahaa
Auron ko detay rahay naseehatain
Aashiyaan apnaa magar jaltaa rahaa
Maazee ka rehtaa nahin us ko malaal
Vaqt kay saanchay mein jo dhaltaa rahaa
Paa sakaa na vo kabhee 'Rajan' sakoon
Jo hasad kee aag mein jaltaa rahaa
' Rajan Sachdeva '
Birvaa Tree
Sehraa Desert
Baatin-o-Zaahir Hidden & Visible, Inside & out, Thoughts & Actions
Yaksaan The Same - As one
Maazee Past
Malaal Regret
Hasad Jealousy
No comments:
Post a Comment