ਇਹ ਇੱਛਾਵਾਂ ਅਤੇ ਲਾਲਸਾਵਾਂ - ਪਹਿਲਾਂ ਤਾਂ ਛੋਟੀਆਂ ਛੋਟੀਆਂ ਬੂੰਦਾਂ ਫਰਗੀਆਂ ਹੀ ਲਗਦੀਆਂ ਹਨ, ਪਰ ਹੌਲੀ ਹੌਲੀ ਇਕੱਠੀਆਂ ਹੋ ਕੇ ਅੰਤ ਵਿੱਚ ਇੱਕ ਛੱਪੜ - ਇੱਕ ਤਲਾਅ ਦੀ ਤਰਾਂ ਬਣ ਜਾਂਦੀਆਂ ਹਨ। ਅਤੇ ਫਿਰ ਸਾਡਾ ਮਨ ਹਰ ਵੇਲੇ ਉਨ੍ਹਾਂ ਹੀ ਵਿਚਾਰਾਂ ਅਤੇ ਭਾਵਨਾਵਾਂ - ਉਨ੍ਹਾਂ ਇੱਛਾਵਾਂ ਅਤੇ ਲਾਲਸਾਵਾਂ ਦੇ ਸਰੋਵਰ ਵਿੱਚ ਹੀ ਤੈਰਦਾ ਰਹਿੰਦਾ ਹੈ - ਅਤੇ ਅੰਤ ਵਿੱਚ ਉਨ੍ਹਾਂ ਵਿੱਚ ਹੀ ਡੁੱਬ ਜਾਂਦਾ ਹੈ
ਗਿਆਨ ਰੂਪੀ ਸੂਰਜ ਦੀ ਰੌਸ਼ਨੀ ਤੇ ਗਰਮੀ ਨੂੰ ਇਨਾਂ ਵਿਚਾਰਾਂ ਅਤੇ ਇੱਛਾ ਰੂਪੀ ਮੀਂਹ ਦੀਆਂ ਬੂੰਦਾਂ ਤੱਕ ਪਹੁੰਚਣ ਦਿਓ - ਜੋ ਕਿ ਉਨ੍ਹਾਂ ਨੂੰ ਬੱਦਲਾਂ ਦੀ ਤਰਾਂ ਉੱਪਰ ਉਠਾ ਕੇ ਹਕੀਕਤ ਦੀਆਂ ਉਚਾਈਆਂ ਤੱਕ ਲੈ ਜਾਣ ਲਈ ਸਮਰਥ ਹੈ ।
ਇਹ ਸੁੰਦਰ ਅਤੇ ਮਸ਼ਹੂਰ ਵੈਦਿਕ ਪ੍ਰਾਰਥਨਾ ਅੱਜ ਵੀ ਅਤਿਅੰਤ ਮਹੱਤਵਪੂਰਨ ਅਤੇ ਅਨੁਕਰਣ ਕਰਨ ਦੇ ਯੋਗ ਹੈ:
ਅਸਤੋ ਮਾ, ਸਦ ਗਮਯ
ਤਮਸੋ ਮਾ, ਜਯੋਤਿਰ ਗਮਯ
ਮਰਿਤਯੋਰ ਮਾ ਅਮ੍ਰਿਤਮ ਗਮਯ
ਅਰਥਾਤ --
ਝੂਠ ਤੋਂ ਸੱਚ - ਯਾਨੀ ਅਸਲੀਅਤ ਵੱਲ
ਹਨੇਰੇ ਤੋਂ ਚਾਨਣ ਵੱਲ - ਯਾਨੀ ਅਗਿਆਨਤਾ ਤੋਂ ਗਿਆਨ ਵੱਲ
ਅਤੇ ਮੌਤ ਤੋਂ ਅਮਰਤਾ ਵੱਲ -
ਭਾਵ, ਨਾਸ਼ਵਾਨ ਸ਼ਰੀਰ ਤੋਂ ਉੱਪਰ ਉੱਠ ਕੇ ਅਮਰ ਆਤਮਾ ਤੱਕ ਜਾਣ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ ।
' ਰਾਜਨ ਸਚਦੇਵ '
No comments:
Post a Comment