Badan pay Sharaafat ka Pairahan - Cloak of innocence

A philosophical composition of poet Neeraj - 

which is as valid today as it was yesterday.

            ~~~~~~~~~~~~~~~~~~~~~~ 

Badan pay jis kay Sharaafat ka pairahan dekhaa 

Vo aadami bhee yahaan ham nay bad-chalan dekhaa

Khreednay ko jisay kam thi daulat-e-duniya 

Kisi Kabeer ki mutthi mein vo Ratan dekhaa 

Mujhay mila hai vahaan apnaa hee badan zakhmi 

Kahin jo teer say ghaayal koyi hiran dekhaa 

Badaa na chhotaa koyi - farq bas nazar ka hai 

Sabhi pay chaltay samay ek saa kafan dekhaa 

 

 Zubaan hai aur bayaan aur - us ka matlab aur 

Ajeeb aaj kee duniya ka Vyaakaran dekhaa 

Luteray daaku bhee apanay pay naaz karnay lagay 

Unhon nay aaj jo Santon ka aacharan dekhaa 

Jo Saadgi hai kuhan mein hamaari ae 'Neeraj' 

Kisi pay aur bhee kya aisaa baankpan dekhaa 

          ~ Padmbhushan Dr. Gopal Das 'Neeraj'  ~ 

Sharaafat               =  Innocence, Purity, Integrity, Virtue 

Pairhan                  =  Cloak, Cape, Cover, Dress 

Daulat-e-duniya  = Wealth of the whole world

Ghaayal                 =  Injured

Vyaakaran            = Grammar, 

Aacharan              = Conduct, Behavior, Actions 

kuhan                    = Old, Ancient (our ancient culture, civilization)
Baankpan             = Beauty