Ye Baat Bhi Poochho Kabhi ...

Ye baat bhi poochho kabhi khud say akelay main
Aaye thay kya lenay is duniya kay mailay main 

Mil jaayengi mitti me ye haqoomten ik din 
Mil jayega ye jism bhi mitti kay dhailay main 

'Rubb kay banday' honay ka daava jo kartay hain 
Dhokhaa kyon kartay hain vo paise-dhailay me?

Chaltay chalay jaatay hain apni hi dhun may log 
Ruktaa nahin koi kisi ki khaatir railay main 

Niklaa hoon main mushkil say rasmon ki daldal say
Ab Phir say na daalo mujhay tum is jhamelay main

Ye zindagi mili hai kuchh karnay ko 'Rajan'
Uljhay na reh jaayen kahin do din kay mailay main 
                    'Rajan Sachdeva'

Inspired from a Ghazal -                       
                          "Ghar laut kay royengay maan-baap akelay mein
                            Mitti kay khilaunay bhi sastay na thay mailay mein"

 Sung by:  Ustad Rais Khan      Written by Qaisar Jafri:

Mitti kay dhailay main -----  In the lumps of dust. 
Paise-dhailay main ---------  In transaction of money - in Business or money matters
Railay main   ----------------  In crowds, hordes, masses 
Daldal           ------------------ Mud,  Sludge, filth,