Thursday, November 12, 2015

Diwali .... A Different View

Pataakhon ki dukaan se kuchh door- apane haathon me
Maine usay kuchh sikkay ginatay dekha

Ek ghareeb bachay ki sooni aankhon me,
Kal maine Diwali ko martay dekha

Thi chaah usay bhi, ki vo naye kapaday pehanay
Magar puraanay kapadon ko usay saaf kartay dekha

Hum kartay hain sadaa apnay dukh ki numaayesh
Magar usay chup-chaap dukh sehtay dekha

Jab maine usay poochhaa “Kuchh chaahiye tujhe?”
Muskuraatay huye uska sar maine ‘Naa’ me hiltay dekha

Vo yoon to umar me thaa abhi bahut chhota
Uskay ander ik ‘bade-aadmi’ ko paltay dekha

Kal raat saare shehar kay deepon ki lau me
Uskay Be-bus say cheharay ko maine hanstay dekha

Hum chaahain sadaa shaan se zindaa rehanaa
Usay jeetay jee shaan se martay dekha

Log kehatay hain ‘tyohaar’ hotay hain khushiyon ke vaastay
Par maine usay man hee man, ghutatay aur tarastay dekha

        Aakhir aesa kyon?   WHY?

        By: Unknown Author

Note: I don’t know who wrote this but this is very beautiful and touching. I have changed few words here and there to fix the rhyme …… with apologies from the original writer.   

  ‘Rajan Sachdeva’ 

1 comment:

  1. Amazing thank you, puts alot of things into perspective God Bless

    David.

    ReplyDelete

Singing Qawalis on someone's grave - Kisi ki qabr par qawaliyon say kuchh nahin hoga

Na hon Paisay to istaqbaaliyon say kuchh nahin hoga  Kisi Shaayar ka khaali Taaliyon say kuchh nahin hoga  Nikal aayi hai un kay pait say pa...