Vaqt ka pahiya sadaa chaltaa rahaa
Kis kay rokay hai ruka - chaltaa rahaa
Umar bhar ye silsilaa chaltaa rahaa
Kaun ruktaa hai kisi kay vaastay
Main giraa to kaafilaa chaltaa rahaa
Mil sakay na kabhi kinaaray dariyaa kay
Darmiyaan kaa faaslaa chaltaa rahaa
Thaa Sabar aur shukar kaa aalam kabhi
Aur kabhi shikvaa gilaa chaltaa rahaa
Manzilen paa letaa hai 'Rajan' ki jo
Rakh kay dil may hauslaa chaltaa rahaa
'Rajan Sachdeva'
No comments:
Post a Comment