Param Aanand - The Ultimate Bliss

Kuchh pathar kay tukdon ko
                Sonay say madh diyaa agar 
 To kya kiya?
Maanaa - ki
Baahar ka sona to chamkega, magar
           Andar ka pathar bhi chamak jayega kya?

Botal kay baahar chipkaa den
                           Label Amrit ka agar 
Andar bharaa huaa hai jo us men  zehar 
                              Voh bhi Amrit ho jaayega kya?

Baahar jismon ko sajaaya
               Khoob sanvaara aur shingaara
Sundar to lagtaa hai lekin -
        Jeevan sukhmaya kya hoga 
                             jo man ko na nikhaara?

Tan aur man dono hon sundar
              Jo baahar - vo hee ho andar 
Nirmal man ki bagiya me hee
                    Vishudh prem ka phool khilega

Jab Gyan-deep anvarat jalegaa
                Tab 'Rajan' Param-aanand milega 

                                'Rajan Sachdeva'