Prabhu jee Naiyya kar do Paar

                           Prabhu jee naiyya kar do paar 
Main kichh naahin sab kichh tu hai 
Tu hee  jeevan  ka  aadhaar
                           Prabhu jee naiyya kar do paar 
Tu Rachnaa tu Rachnay-haara 
Tu kartaa  Tu karnay-haar
                           Naiyya mori kar do paar 
Srishti kay kan-kan me vyaapak
Sakal  jagat  tera  vistaar 
                           Prabhu jee naiyya kar do paar 
Deen Dayaal dayaa kay saagar
Deenan kay tum hi pritpaar
                           Prabhu jee naiyya kar do paar 
Agam Agochar Alakh Niranjan
Mahimaa tumari aparampaar
                           Prabhu jee naiyya kar do paar 
Main hoon deen tum deen kay daatay
Deen heen ka karo uddhaar
                           Naiyya mori kar do paar 
Maaya to hai bhool-bhulaiyaan
Saacha hai bus ik Kartaar 
                           Prabhu jee naiyya kar do paar 
Ant samay jaanay kyaa hoga
Abhee to naiyya hai manjhdhaar 
                           Naiyya mori kar do paar 
Saachi Tumari preet Prabhu ji
Mithyaa hai sara sansaar 
                           Prabhu jee naiyya kar do paar 
Baaki hai sab gorakh-dhandhaa
Sumiran hai mukti kaa dwaar
                           Prabhu jee naiyya kar do paar 
Svaason kee maala mein 'Rajan'
Bus jaye  'Tu Hee Nirankaar'
                           Naiyya mori kar do paar 
                           Prabhu jee naiyya kar do paar
                                                    'Rajan Sachdeva'