ਇਕ ਪਿਤਾ - ਬਿਰਧ ਆਸ਼ਰਮ ਵਿੱਚ

ਆਪਣੀ ਮਾਂ ਦੀ ਮੌਤ ਤੋਂ ਬਾਅਦ ਇਕ ਆਦਮੀ ਆਪਣੇ ਪਿਤਾ ਨੂੰ ਬਿਰਧ ਆਸ਼ਰਮ ਵਿੱਚ ਛੱਡ ਆਇਆ । 
ਫਿਰ ਇੱਕ ਸਾਲ ਦੇ ਬਾਅਦ ਇਕ ਦਿਨ ਅਚਾਨਕ ਉਸ ਨੂੰ ਬਿਰਧ ਆਸ਼ਰਮ ਚੋਂ ਫੋਨ ਆਇਆ ਕਿ ਤੁਹਾਡਾ ਪਿਓ  ਬਹੁਤ ਸੀਰੀਅਸ ਹੈ ਤੁਸੀਂ ਇੱਕ ਵਾਰ ਮਿਲਣ ਲਈ ਆ ਜਾਓ । ਉਹ ਬਿਰਧ ਆਸ਼ਰਮ ਚਲਿਆ ਗਿਆ । ਉਸ ਨੇ ਵੇਖਿਆ ਉਸਦਾ ਪਿਤਾ ਬਹੁਤ ਨਾਜੁਕ ਹਾਲਤ ਵਿੱਚ ਸੀ । ਉਹ ਮੌਤ ਦੇ ਬਿਲਕੁਲ ਨਜ਼ਦੀਕ ਸੀ । ਮੁਸ਼ਕਿਲ ਨਾਲ ਬੋਲ ਸਕਦਾ  ਸੀ । 
ਪੁੱਤ ਦਾ ਦਿਲ ਪਸੀਜ ਗਿਆ । ਉਸ ਨੇ ਭਰੇ ਮਨ ਨਾਲ ਕਿਹਾ ਪਿਤਾ ਜੀ - ਦੱਸੋ ਮੈਂ ਤੁਹਾਡੇ ਲਈ ਕੀ ਕਰ ਸਕਦਾ ਹਾਂ ।
ਪਿਓ  ਨੇ ਉੱਤਰ ਦਿੱਤਾ : ਬੇਟਾ - ਤੂੰ  ਇਹ ਕਰ ਕਿ ਇੱਥੇ ਇਸ ਬਿਰਧ ਆਸ਼ਰਮ ਵਿੱਚ ਪੱਖੇ ਲਗਵਾ ਦੇ, ਇੱਥੇ ਬਹੁਤ ਗਰਮੀ ਹੈ । ਇੱਕ ਫਰਿਜ਼ ਵੀ ਲੈ ਕੇ ਦੇ ਦੇ । ਇੱਥੇ ਅਕਸਰ ਖਾਣਾ ਖਰਾਬ ਹੋ ਜਾਂਦਾ ਹੈ । ਮੈਨੂੰ ਇੱਥੇ ਗਰਮੀ ਵਿੱਚ ਬਹੁਤ ਤਕਲੀਫ ਰਹੀ ਹੈ - ਬਹੁਤ ਵਾਰ ਖਾਣਾ ਖਰਾਬ ਹੋਣ ਕਾਰਨ ਮੈਂ ਭੁੱਖਾ ਹੀ ਸੌਂਦਾ ਰਿਹਾ ਹਾਂ ।
ਪੁੱਤਰ ਹੈਰਾਨ ਹੋਇਆ : ਉਸ ਨੇ ਕਿਹਾ ਪਿਤਾ ਜੀ  ਹੁਣ ਤੱਕ ਤੁਸੀਂ  ਕਦੇ  ਇਸ ਬਾਰੇ ਕੋਈ ਗੱਲ ਨਹੀਂ ਕੀਤੀ ।ਕੋਈ ਸ਼ਕਾਇਤ ਨਹੀਂ ਕੀਤੀ । ਹੁਣ  ਆਪਣੇ ਆਖਰੀ ਸਮੇਂ ਤੇ ਇਹ ਸਭ ਕਿਉਂ ਕਹਿ ਰਹੇ ਹੋ ।
ਪਿਓ  ਦਾ ਜਵਾਬ ਸੀ : ਕੋਈ ਗੱਲ ਨਹੀਂ ਪੁੱਤਰ । ਮੈਂ ਗਰਮੀ ਵਿੱਚ ਤਕਲੀਫ ਵਿੱਚ ਰਿਹਾ, ਦਰਦ ਹੰਢਾਇਆ - ਭੁੱਖਾ ਸੌਂਦਾ ਰਿਹਾ । ਮੈਂ ਤਾਂ ਕਿਵ਼ੇਂ ਨਾ ਕਿਵੇਂ ਜਿੰਦਗੀ ਕੱਟ ਲਈ, ਪਰ ਹੁਣ ਜਦੋਂ ਤੈਨੂੰ ਤੇਰੇ ਬੱਚੇ ਇੱਥੇ ਛੱਡ ਕੇ ਜਾਣਗੇ ਤਾਂ ਤੈਨੂੰ ਤਕਲੀਫ ਹੋਵੇਗੀ ।


                 ਬੱਚਿਆਂ ਦੇ ਇੱਕ ਇੱਕ ਹੌਂਕੇ ਤੇ ਜੋ  ਮਰ--ਮਰ ਜਾਂਦੇ ਨੇ 
                ਓਹ ਮਾਪੇ ਮਰ ਕੇ ਵੀ ਬੱਚਿਆਂ ਨੂੰ  ਜਿਉਣ ਜੋਗੇ  ਕਰ ਜਾਂਦੇ ਨੇ ।