Meri Shayeri To Izhaar Hai (Roman Script)

Koi khyaal jab uthtaa hai koi zehan me mere
chand lafzon ke daayaray me usay baandh letaa hoon

Meri shayeri to izhaar hai mere tajurbon ka
kuchh ehsaas apani zindagi say chhaant letaa hoon

Shaayed in ko padh ke sambhal jaaye koi 'Rajan' kahin
Isi liye khyaal apanay - sab say baant letaa hoon
                                                              'Rajan Sachdeva'

Inspired by this beautiful sher of Sahir Ludhiyanavi sahib:

Duniya nay tajurbaat-o- havaadis ki shaql me
Jo kuchh mujhe diya vohi lautaa rahaa hoon main