Mustaqil Kya Hai?

Haal kya hai, maazi aur mustaqbil kya hai?

Kya aasaan hai duniya me aur mushkil kya hai?

Har ek shakhs pareshaan saa nazar aata hai

Ghame-jahaan me aakhir raahte-dil kya hai?

Na huyin khwaahishen poori to itna ranj kyon

Jahaan me sab hai adhoora yahaan muqammal kya hai?

Khushi aur gham ka majmoo'aa hai zindagi magar

Vo jo rehtaa hai ik saar musalsal  kya hai?

Ye na socho ki kyaa khoyengay aur paayengay kya

Sawaal to ye hai 'Rajan'  ki mustaqil kya hai?

                          " Rajan Sachdeva "

          Meanings:

Haal                   =    Present 

Maazi                =    Past 

Mustaqbil         =   Future 

Raahte-dil        =   Consolence, Solace, Comfort 

Muqamaal       =   Complete, whole, Absolute 

Majmooaa       =   Combination, Blend, Mixture 

Ik Saar              =  Uniform, In the same state, Equanimous, unchanged 

Musalsal          =   Continuously, Constantly, Consistently  

           Rehtaa hai ik saar musalsal  kya hai?  =   Aatma, Soul, Consiouxness

Mustaqil         =  Permanent, Unending, Unchanging, Endless, Perpetual 

         -  Mustaqil kya hai =   Almighty Supreme Lord