Ru-b-Ru un say baat honay lagee

Ru-ba-Ru un say baat honay lagee
Khoob soorat hayaat honay lagee 

Jab say 'Tu Tu'  ka jaam peeya hai 
Meri main main ki maat honay lagee 

Mit gaye  farq  teray - meray  kay
Ek ab apni zaat honay lagee 

Jab say tasleem ka hunar seekha       (Acceptance)
Khushnuma  qaayanaat honay lagee 

Jab tavaqqo hi na rahee koyi            (Expectations)
Gam say 'Rajan' najaat honay lagee 
                     ' Rajan Sachdeva '

Behar: Meter (Tune) Tu nahin Gham nahin shraab nahin (Sung by Jagjeet Singh)