Ye Nav Varsh Hamen Sveekaar Nahin

In the context of the New Year‘s celebration of the western Gregorian calendar,

here is a poem written by Ramdhari Singh Dinkar - the National Poet of India

Ye nav varsh hamen sveekaar nahin
hai apana ye tyauhaar nahin
hai apanee ye to reet nahin
hai apana ye vyavahaar nahin 
Dharaa thithuratee hai sardee se
Aakaash mein kohraa gehraa hai
Baag baazaaron kee sarahad par
sard hava ka pehara hai
Soona hai prakrti ka aangan
kuchh rang nahin , umang nahin
har koee hai ghar mein dubakaa hua
nav varsh ka ye koyi dhang nahin
chand maas abhee intazaar karo
nij man mein tanik vichaar karo
naye saal naya kuchh ho to sahee
kyon naqal mein saaree aql bahee
ulhaas mand hai jan -man ka
aayee hai abhee bahaar nahin
ye nav varsh hame sveekaar nahin
hai apana ye tyauhaar nahin

ye dhundh kuhaasa chhantanay do
raaton ka raajya simatanay do
prakrti ka roop nikharanay do
phaagun ka rang bikharanay do
prakrti dulhan ka roop dhaar
jab sneh – sudha barasaayegee
shasay – shyaamalaa dhartee maata
ghar -ghar khushahaalee laayegee
tab Chaitr shukl kee pratham tithi
nav varsh manaaya jaayega
aaryaavart kee puny bhoomi par
jay gaan sunaaya jaayega
yukti – pramaan se svayamsiddh
nav varsh hamaara ho prasiddh
aaryon kee keerti sadaa -sadaa
nav varsh chaitr shukl pratipadaa
anmol viraasat ke dhanikon ko
chaahiye koee udhaar nahin
ye nav varsh hame sveekaar nahin
hai apana ye tyauhaar nahin
hai apanee ye to reet nahin
hai apana ye tyauhaar nahin

                                    " Ramdhari Sinh Dinkar"